طلبتك يالله الواحد تصبر قلبي المجروح
طلبتك ترحم دموعي وتبعد حزني وآهاتي
أنا أدري إنه على بابك أكيد إن الرجا مسموح
رجيتك تنتزع همي تزيحه من وسط ذاتي
أنا من جور ما فيني مليت أرضي دموع ونوح
مشاوير الحزن والهم بها طالت مسافاتي
تعبت أمشي وسط دنيا بها الخافق غدا مذبوح
تعبت اظهر فرح زايف وأنا تخنقني عبراتي
يا ربي هو كذا عمري قضيته في لعب ومزوح؟
قضيته دون ما أدري غريقة في ملذاتي؟
يا ربي قبل ما ارحل وتنزع من حشاي الروح
أبي تغفر لي ذنوبي تجاوز عن خطياتي
وأبي لا من غدا جسمي وسط ذاك الثرى مطروح
تونس وحدتي وضيقي تيسر لي حساباتي
على قبري أبي الرحمة ترفرف تعتلي وتلوح
وأبي لا من قضى عمري يطيب بصافي نياتي
وأبي من بين طيات الكفن روح الفضيلة
أبي دمع الندم فيني يطفي حر جمراتي
وداخل جنتك يا رب تعلي لي قمم وصروح
وتجعل زين أفعالي تنير سطور صفحاتي
أنا جيتك وانا لغيرك بذنبي ما نويت ابوح
ابي انوار غفرانك تنير سطور صفحاتي
موضوع: تعبت اظهر فرح زايف وأنا تخنقني عبراتي 
الثلاثاء نوفمبر 04, 2008 8:37 am