صديقاتي هذيك أيام راحت وسنين وشهور

غريبه حيل هالدنيا تفرقنا بدون شعور
ولاترحم ولا تعطف ولاتقدر محبتنا

صحيح ان الزمن غدار وايام الزمن تدور
وصحيح ان الوداع صعب وهو أعظم مصايبنا

توادعنا وتفرقنا ومشينا وسط ذاك السور
جميله سنينا كانت سعادتنا وشقاوتنا

احد بينسى هذاك الصوت المعروف والمشهور
يصبحنا مع الطابور واحنا نزيد بكلمتنا

وعشان نعصي المعلمه كنا بآخر الطابور
ونتفلسف ونقهرهم ونجاوبهم بضحكتنا

وتبدأ الحصه الاولى وبكينا المعلمه المغروره
نحاول نحرق اعصابها بما تحمله خبرتنا

وتجينا الثانيه وجهها مبتسم ومسرور
ونقلب ضحكتها هم وهذي هي طبيعتنا

ننسى المعلمه والحصه نشارك ننصب المجرور
نزيد الطين بله ونتعيبط في اجابتنا

نسولف بأول الحصه نكتب والقلم مكسور
نُمّوه للمعلمه مدري وش هي اجابتنا

نشاغب ننزعج ونضحك ولكن قلبنا عصفور
نسامح غلطة الثاني بكل خاطر براءتنا

...
...
...
...

تحياتي يا أيام الدراسة واغفرلي المستور
كتمنا او تكلمنا عن الموجود بساحتنا

صديقاتي يوفقكم آلهي الواحد المشكور
اذا ضاقت الدنيا تساعدنا مصيبتنا

صديقاتي هذيك أيام راحت وسنين وشهور
فمان الله ولا تنسون صحبتنا واخوتنا

***